再訪緬甸

原身沒有打算在這個BLOG 加遊記;
因為見到D BLOG 友寫得出黎分享的都資料齊全.
而森師奶總是掛住玩多個做記錄.
之但係呢個地方, 有幸响佢未開放前去, 一個女人仔去過一次.
今次再去, 相信個對比會幾大下.
所以等我返黎再係到POST一下吧.

日式咖哩拌烏東

呢排大家心情麻麻，煲咖喱雪左好幾日都仲未清得哂。

今晚得我一條友，求其加個烏東清貨尾。

點知錯有錯著，因為偷懶反而比我做到個杰身版。

日式咖喱牛肋條

材料：

牛肋條 1包（約5條）

甘筍 2條

薯仔 1個

洋蔥 1個

日式咖喱磚 1 盒（我買左大辛）

香葉 2片（可不下）

梨 1個（切皮起芯；因屋企個梨冇人食所以才加，否則可唔落）

水 適量

做法：

1. 牛肋條切大舊跟住“飛”水後隔乾水，蔬菜滾刀備用

2. 落小小油把蔬菜煎一煎，再加入牛肋條繼續炒

3. 加水至剛蓋肉，炆半個鐘睇下牛肋條淋未

（因用鑄鐵鍋，所以改用煲15分鐘，關火燜15分鐘-做3個循環）

4. 加入梨，香葉同咖喱磗再炆多20分鐘

5. 搞掂

**以上咖喱牛肋條二人份，夠食2-3餐**

咖喱伴（湯）烏東：

1. 响雪柜裝起要食嘅份量翻熱（最好畢定多少少汁）

2. 待牛肋條夠大半熱/或全熱時，加入烏東，不時搞拌

3. 烏東散開及夠熱，搞掂！

註：之前試過另開煲煮個烏東，隔水再撈入咖喱到，但因為烏東沾得太多水而令湯底太過稀，唔夠杰身之餘仲淡茂茂. 

估唔到今次懶開多個煲反而仲好食

註2： 食完好漏，要飲好多茶：p